Inatsisartut kikkunnit tamanit iserfigineqarsinnaapput taamatullu aamma eqimattatut kisimiilluniluunniit pulaarnissamut periarfissaqarluni. Qaqugukkut pulaartoqarniarnera pulaarnerullu siunertaa apeqqutaalluni Inatsisartunut angalaarunneqarluni pulaarnissamut periarfissat assigiinngitsuupput.
Piffissani ataatsimiiffiunngitsuni
Piffissani ataatsimiiffiunngitsuni ullut tamaasa ataasinngornermiit tallimanngornermut nal. 13.00 angallanneqarluni pulaarnissamut periarfissaqarpoq. Taamatut alakkaaneq (Namminersorlutik Oqartussanut isaarissap pingaarnerup eqqaani) saaffiginnittarfiup eqqaani Marmorhallimik taasartagaanni aallartittarpoq, angalllassinerlu kalaallisut, qallunaatut, tuluttut noorlertulluunniit ingerlanneqarsinnaalluni. Piffissat Inatsisartut ataatsimiiffigisassaat uani takuneqarsinnaapput.
Ataatsimiinnerit nalaani
Inatsisartut katersuussimatillugit angalaarussisoqarneq ajorpoq, taamaattorli ataatsimiittarfimmi ataatsimiinnerit malinnaavigineqarsinnaallutik. Ataatsimiinenrit nal. 13 aalllartittarput ullut naalakkersuisunut apeqquteqarfiusinnaasut eqqaassanngikkaanni. Akunneq apeqquteqartarfik pingasunngornikkut ingerlanneqakkajuppoq nal. 11.00-imiit nal. 12.00-imut ingerlanneqartarluni. Piffissat Inatsisartut ataatsimiiffigisassaat uani takuneqarsinnaapput.
Inuit Inatsisartut oqallinnerannik malinnaarusuttut arlaliuppata kaammattuugineqarpoq Inatsisartut Allattoqarfiannut saaffiginninnissaq inatsisartut@inatsisartut.gl-imut allalluni 34 50 00-imulluunniit sianerluni, issiavissat pisariaqartut inniminneerneqareerniassammata.
Unnummi kultorisiorfimmi
Inatsisartut 2001-imiilli Nuummi Unnummi kultorisiorfimmi, ukiut tamaasa januaarip naalernerani ingerlanneqartartumi, matutik ammatittarpaat.
Pisumi tamatumani innuttaasut periarfissinneqrtarput ilaasortat sulinerannik, allaffeqarfiit sunik suliaqartarnerinik Inatsisartunilu sulinermi avatangiisinik inuppalaartumik paasisassarsiorsinnaanissaannut. Ukiuni kingullerni marlussunni pulaartut 1.500-ut 1.800-ullu akornannut missingerneqarput. Tullianik qaqugu Unnuk Kultorisiorfik ingerlanneqassanersoq saqqaani PISUT-ni nalunaarutigineqarumaarpoq.
Atuartut paasisassarsioqatigiillu
Niende klassimiit qummut atuartut, ilisimatusarfinni ilinniartut imaluunniit ilinniarfinni ingerlaqqiffiusuni allani ilinniartut kiisalu paasisassarsioqatigiit ataatsimoortut ikinnerpaamik arfinillit inatsisartut@inatsisartut.gl-imut saaffiginnillutik angalaarunneqarnissaminnik Inatsisartullu sulinerat pillugu. Meeqqerivinnit meeqqanut atuartunulluunniit 8. klasse tikillugu alakkarterisitsinissamut neqerooruteqartoqarneq ajorpoq.