Sulisilluni ajoqusernerit kingunerisassaannut isumannaarinermik inatsisip Kalaallit Nunaanni atortuulersinneqarneranik peqqussut nr. 273, 24. april 2001-imeersumi aalajangersakkat malillugit apeqqutinut tamanut, allanik aalajangersaasoqarsimatinnagu Kalaallit Nunaanni Sulisilluni Ajoqusersinnaanermut Ataatsimiititaliaq aalajangiisarpoq.
Kalaallit Nunaanni Sulisilluni Ajoqusersinnaanermut Isumannaarineq pillugu Ataatsimiititap (Kalaallit Nunaanni Sulisilluni Ajoqusersinnaanermut Ataatsimiititaliap) inuttarai Kalaallit Nunaanni isumaginninnermi pisortaq siulittaasutut, nakorsaq Peqqinnissaqarfiup toqqagaa, KANUKOKA-p sinniisuutitaa ataaseq, Kalaallit Nunaanni Aalisartut Piniartullu Kattuffiata siulersuisuunerisa sinniisuutitaat ataaseq kiisalu Kalaallit Nunaanni Inatsisartut ukiunut sisamanut qinigaaffimminni ilaasortaatitai pingasut, taakkunannga ataaseq isumannaariffigisaasunut sinniisuutitaasussaq, alla ataaseq sulisitsisunut isumannaarinissamut pisussaatitaasunut sinniisuutitaasussaq, kiisalu suli ataaseq Sulinermik Inuussutissarsiuteqartut Kattuffiannut sinniisuutitaaasussaq. Taakku saniatigut Inatsisartut toqqakkatut ilaasortaatitaminnut pingasunut sinniisussanik pingasunik toqqaassapput.
Isumaginninnermut Ministereqarfik Kalaallit Nunaanni Sulisilluni Ajoqusersinnaanermut Isumannaarineq pillugu Ataatsimiititap ingerlatsineranut ukiumoortumik tapiissuteqartassaaq tapiissutillu taakku isumaginninnermut ministerip erseqqinnerusumik maleruagassiai malillugit iluarsiivigineqartassapput.
Kalaallit Nunaanni Sulisilluni Ajoqusersinnaanermut Isumannaarineq pillugu Ataatsimiititap suleriaasissaa pillugu aalajangersakkat Arbejdsskadestyrelsip pisortaanit Ataatsimiititap siunnersuuteqarneratigut aalajangersarneqartassapput.
Piffissaq qinigaaffik
Piffissaq qinigaaffik ukiunik sisamanik sivisussuseqarpoq. Ataatsimiititaliami ilaasortat sinniisussallu toqqakkat piffissami 1. januar 2007-imit 31. december 2010-mut toqqagaapput.
UKA 2010-mi piffissami 1. januar 2011-imit 31. december 2014-mut ilaasortanik sinniisussanillu toqqaasoqassaaq.