Oqaluuserisassat oqaluuserineqarfissaasalu ullui
2021-imi Ukiukkut Ataatsimiinneq (Qinersisussanngorneq pillugu unitsinneqarpoq)
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 37-5
Nal. 10:00-imiit 11:00-imut akunneq apeqquteqarfissaq.
( § 37 imm. 5, naapertorlugu)
( § 37 imm. 5, naapertorlugu)
Imm./pkt.: 37-5x
Partiit siuttuisa apeqqarissaarnerat.
Nal. 10:00-imiit 12:00-imut apeqquteqarfissaq.
Nal. 10:00-imiit 12:00-imut apeqquteqarfissaq.
Imm./pkt.: 1
Ataatsimiinnerup ammarneqarnera.
Inatsisartut Siulittaasoqarfiat
Imm./pkt.: 2
Ullormut oqaluuserisassanut nassuiaat.
Inatsisartut Siulittaasoqarfiat
Imm./pkt.: 17
UPA 2021-mi suliarineqassaaq
Inatsisartut suleriaasiat.
Imm./pkt.: 18
Uunga siunnersuut: Inatsisartunut immikkut ittumik qinersineq pillugu Inatsisartut inatsisaat nr. xx. xx.xx 2021-meersoq.
Inuit Ataqatigiit, Demokraatit, Partii Naleraq Atassutillu Inatsisartuni ilaasortaatitaat
Imm./pkt.: 29
Imm. 29, 184, 186 aamma 188 ataqatigiisillugit siullermeerneqarput.
Kalaallit Nunaanni ikiaroornartumik aanngajaarniutinillu pinerluttoqartarnera akiorniarlugu annertusisamik iliuuseqarnissaq, nunatsinni politiit amerlineqarnissaat aammalu suliassaqarfimmut tassunga amerlanerusunik aningaasaliisoqarnissaq anguniarlugu Naalakkersuisut Naalagaaffiup oqartussaasuinut saaffiginneqqullugit peqquneqarnissaannik Inatsisartut aaliangiiffigisassaattut siunnersuut.
Inatsisartunut ilaasortaq Erik Jensen, Siumut
Imm./pkt.: 30
Siull. 19/11-2020
Nunatsinni, Namminersorlutik Oqartussat pilersitaannik, Namminersorlutik Oqartussat oqartussaaffigisaannik aningaasaqarnermik ingerlatsivinnik, soorlu aalisarnermut aningaaseriviliornissamik, kreditforeningiliornissamik, pensionskarsiliornissamik aammalu sillimmasiisarfiliornissamik pitsaaqutaasussat akimmisaarutaasussallu pillugit Naalakkersuisut nalunaarusioqqullugit peqquneqarnissaannik Inatsisartut aalajangiiffigisassaattut siunnersuut. Aallartitsinermi aningaasarsiornerup silarsuaani naatsersuutigineqartut, ass. pisortanit aallarnisarnermi aningaasaliissutaasussat aammalu sulisoqarnikkut pisariaqartinneqartussat nalunaarusiami pingaartillugit ilaatinneqassapput.
Inatsisartunut ilaasortaq Henrik Fleischer, Siumut
Imm./pkt.: 33
Qanoq ililluta innuttaasunut ullumikkornit sivisunerusumik suliffeqarnermiinnissaat kajumissaarutigaluguluunniit sulissutigalugu qulakkeersinnaaneripput pillugu apeqquteqaat aallaavigalugu oqallisissiaq.
Inatsisartunut ilaasortaq Hermann Berthelsen, Siumut
Imm./pkt.: 35
Siull. 18/11-2020
Inatsisartut aalajangiiffigisassaattut siunnersuutigineqarpoq, Naalakkersuisut peqquneqassasut pisortanit ikiorsiissutit pillugit allannguuteqaqqullugit , taamaalilluni namminerisamik illuutillit aammalu inissianik piginneqatigiillutik pigisallit pisinnaatitaaffigilissagaat pisortanit ikiorsiissutinik ikiorneqarsinnaanngortillugit, kræfteqarlutik nappaateqarnertik ilutigalugu katsorsagassanngoraangamik naliginnarmik akissarsiornertik unikkallaraangat sulisinnaajunnarnertik pissutigalugu. Nalunaarusiami erseqqissarneqassaaq ajornartorsiut qanoq isikkoqarnersoq aammalu qanoq ikiortarialiunersut taamatut pisinnaatitaaffilissapata. Nalunaarusiaq UKA2021-mi saqqummiunneqassaaq.
Inatsisartunut ilaasortaq Erik Jensen, Siumut
Imm./pkt.: 36
Siull. 11/11-2020
Inatsisartut aalajangiiffigisassaattut siunnersuutigineqarpoq Naalakkersuisut nalunaajaatigissagaat, suliffeqarfiit aningaasaqarnikkut suliaqartut pisisartuminnut neqeroorutigilissagaat, isumaqatigiissutit allattariarsuutitalinnik imallit, pisisartup suliffeqarfiullu akunnerminni isumaqatigiissutaat, kalaallisut suliarineqartalissasut.
Inatsisartunut ilaasortaq Erik Jensen, Siumut
Imm./pkt.: 38
Qanoq iliorluni illoqarfisaq qimallugu erniartortatut pitsaanerpaamik sullinneqarsinnaanersut apeqquteqaat aallavigalgu oqallisissiaq.
Inatsisartunut ilaasortaq Mikivsuk Thomassen, Inuit Ataqatigiit
Imm./pkt.: 39
Oqaatsitsinnik nutaamik misissuisitsinissap pingaaruteqassusaa pillugu apeqquteqaat aallaavigalugu oqallisissiaq.
Inatsisartunut ilaasortaq Mimi Karlsen, Inuit Ataqatigiit
Imm./pkt.: 40
Siull. 6/11-2020
Imm. 40 aamma 106 ataqatigiisillugit siullermeerneqarput.
Illorsuit aamma Nuugaatsiap ammaqqinneqarnissaannut periarfissanik qulaajaanermik misissuinermik Naalakkersuisut suliaqarnissaannik Inatsisartut aalajangiiffigisassaattut siunnersuut. Misissuinerup upalungaarsimanermut misissuutit nalunaarasuartaatillu pilersinnerisigut Illorsuit aamma Nuugaatsiap ammaqqinneqarnissaannik qulakkeerinninnissaq nalilersussavaa, tassungaannarli killissanani. Misissuineq GEUS-ip nalilersuinerata massakkut ingerlasup naammassinerani paasisat piareernerat ilutigalugu ingerlanneqassaaq.
Inatsisartunut ilaasortaq Múte Bourup Egede, Inuit Ataqatigiit
Imm./pkt.: 41
Siull. 17/11-2020
Imm. 41 aamma 46 ataqatigiisillugit siullermeerneqarput.
Ilinniartitaaneq sorleq, assassornikkut atuagarsornikkullu Inuit Kulturitoqqarput pillugu ilinniartitsiviusinnaasutut piukkunnarnerullunilu ukkatarinnilluarnerusinnaanersoq pillugu Naalakkersuisut misissueqqullugit peqquneqarnissaannik inatsisartut aaliangiiffigisassaattut siunnersuut. Misissuinermittaaq ersarissarneqassaaq ilinniareernerup kingorna, ingerlariaqqiffiusumik ilinniaqqinnissamut, suliffissaqarnikkullu periarfissat suusinnaaneri, nunanik allanik suleqateqarnikkut periarfissat, aningaasatigullu kingunerisinnaasai, iluaqutissat ajoqutissallu, kiisalu ilinniagaqarfimmut pioreersumut llinniarfissap inissinneqarsinnaaneranut periarfissanut tunngasut ilanngullugit misissorneqassallutik. Misissuinerup inernera kingusinnerpaamik UKA2021-mi Inatsisartunut agguaanneqarsimassaaq.
Inatsisartunut ilaasortaq Peter Olsen, Inuit Ataqatigiit
Imm./pkt.: 43
Siull. 11/11-2020
Imm. 43 aamma 53 ataqatigiisillugit siullermeerneqarput
Meeqqat atuarfianni alloriarfinni tamani atuartut akornanni kinguaassiutitigut piumassuseqarnerup qanoq issusianut, kinguaassiutitigut nappaatinut, kissaatiginngisamik naartulertarnernut, killiliisarnissaannut kiisalu timikkut digitalitigullu innimiilliuutinut ilisimasanut tunngatillugu Naalakkersuisut misissuinissamik suliaqaqqullugit Inatsisartut aalajangiiffigisassaatut siunnersuut. Misissuinermit inernerit 1. januar 2022 nallertinnagu saqqummiunneqassapput.
Inatsisartunut ilaasortaq Stine Egede, Inuit Ataqatigiit
Imm./pkt.: 44
Siull. 18/11-2019
Itilliarsummi ikerasaliortoqarnissaanik Naalakkersuisut peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Stine Egede, Inuit Ataqatigiit
Imm./pkt.: 46
Siull. 17/11-2020
Imm. 41 aamma 46 ataqatigiisillugit siullermeerneqarput.
Inuusuttut 16-it 26-illu akornanni ukiullit sulilersut imaluunniit ilinniakkamik ingerlatsisut amerlisarneqarnissaat siunertaralugu immikkut iliuuseqarnissamut Naalakkersuisut 2026-ip tungaanut aningaasatigut allaffissornikkullu sinaakkutissanik ilaqartumik periusissiamik UPA-mi 2021-mi saqqummeeqqullugit Inatsisartut aalajangiiffigisassaattut siunnersuut.
Inatsisartunut ilaasortaq Múte B. Egede, Inuit Ataqatigiit
Imm./pkt.: 48
Siull. 17/11-2020
Uumasut naasullu avataanit eqqunneqartut pillugit UKA2021 nallertinnagu nassuiaammik saqqummiussinissamik Naalakkersuisut peqquneqarnissaannik Inatsisartuni aalajangiiffigisassatut siunnersuut. Nassuiaat minnerpaamik tulliuttut uku pillugit paasissutissanik imaqassaaq: ajornartorsiutip annertussusai, maleruagassiassanut siunnersuutit, pinaveersaartitsineq, nakkutiginninneq kiisalu uumasunik naasunillu eqqussanik navianartorsiortitsisinnaasunik akiuiniarneq kiisalu suliniutit taakku aningaasalersornissaat.
Inatsisartunut ilaasortaq Aqqaluaq B. Egede, Inuit Ataqatigiit
Imm./pkt.: 49
Siull. 18/11-2020
Aningaasalersorneqarsimasunik aallakaatitassianik nutaarsiassanik, maannarpiarlu soqutiginartunik imallit tusagassiuutit aallakaatitsisinnaanngornissaat anguniarlugu inatsimmut atuuttumut allannguutissatut siunnersuuteqarnissamut Naalakkersuisut peqquneqarnissaannik Inatsisartut aalajangiiffigisassaattut siunnersuut. Aallakaatitassianik nutaarsiassanik, maannarpiarlu soqutiginartunik imallit aningaasalersorneqarsimanerat, aningaasaliinermut tunngaviusimasoq suungaluarpalluunniit, aallakaatitsinnginnermi tunisisup kinaassusaanik takutitsisumik nalunaarutigineqartarnissaa piumasaqaataassaaq,
Demokraatit Inatsisartuni gruppiat
Imm./pkt.: 51
Siull. 10/11-2020
Suliffeqanngitsunut matchgruppe 1-imiittunut erngerluni sulilersitsiniartarneq atorneqartalertuuppat aningaasaqarnikkut, allaffissornikkullu kingunerisassai misissorniarlugit nassuiaasiornissamut Naalakkersuisut peqquneqarnissaannik Inatsisartut aalajangiiffigisassaattut siunnersuut. Nassuiaat UKA2021-mi Inatsisartunut agguaanneqassaaq.
Inatsisartunut ilaasortaq Simigaq Heilmann, Demokraatit
Imm./pkt.: 53
Siull. 11/11-2020
Imm. 43 aamma 53 ataqatigiisillugit siullermeerneqarput
Qarasaasiami inuinnaat naapittarfiini qanoq pissusilersornissamut immitsinnullu oqaloqatigiittarnitsinnut sammisalimmik paasititsiniaanermik suliaqarnissamut, aallartitsinissamullu Naalakkersuisut peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Nivi Olsen, Demokraatit
Imm./pkt.: 54
Siull. 24/11-2020
Atuarfik pillugu inatsit atuuttup allanngortinneqarnissaanut, taamalu meeqqat atuarfianni tamani isumaginninnermut siunnersortimik imaluunniit inummik isumalluutigineqarsinnaasumik minnerpaamik ataatsimik atorfinitsisoqartarlernissaa anguniarlugu siunnersuusiornissaamut Naalakkersuisut peqquneqarnissaannik Inatsisartut aalajangiiffigisassaattut siunnersuut. Meeqqat pisariaqartitsisut atuarfimmut tunngassuteqanngitsunik ajornartorsiutigisinnaasaminnik oqaasinngortitsinissamut, ikiorneqarnissamullu periarfissinneqarnissaat atorfinitsitsinerup qulakkiissavaa.
Inatsisartunut ilaasortaq / Medlem af Inatsisartut Nivi Olsen, Demokraatit
Inatsisartunut ilaasortaq / Medlem af Inatsisartut Nivi Olsen, Demokraatit
Inatsisartunut ilaasortaq Nivi Olsen, Demokraatit
Imm./pkt.: 55
Aappass. UPA 2021
2030 angutinnagu inuiaqatigiit timersornerunissaat taassumallu piviusunngortinnissaanut anguniagassanik aaliagiinissaq anguniarlugu, aammalu pilersitsiniarnernut piviusunik pilersaarusiornissamut Naalakkersuisut peqquneqarnissaannik Inatsisartut aalajangiiffigisassaattut siunnersuut. Pilersaarusiassaq suliniutinut ataasiiakkaanut aningaasartuutissatut missingersuutinik imaqassaaq, qanorlu aningaasalersorneqassanersut siunnersuutitaqassaaq. Pilersaarusiassaq tamanut saqqummiunneqassaaq aammalu UKA2021-iutinnagu Inatsisartunut agguaanneqassalluni.
Inatsisartunut ilaasortaq Malene Vahl Rasmussen, Demokraatit
Imm./pkt.: 59
Apeqquteqaat aallaavigalugu oqallisissatut siunnersuut, qanoq ililluta inuiaqatigiit Peqqinnissaqarfimmut ataqqinninnerisa aamma akisussaaffeqarnerisa pitsanngortissinnaaneripput aammalu aningaasaatitta annertunerusumik peqqinnerulernermik kinguneqartissinnaanerigut.
Demokraatit Inatsisartuni gruppiat
Imm./pkt.: 60
Apeqquteqaat aallaavigalugu oqallisissatut siunnersut, qanoq ililluta suliffeqarfiit inissaqartitsinerusut pilersissinnaanerigut imaalillugit, inuit timikkut tarnikkullu innarluutillit ullumikkumiit annertunermik inuiaqatigiinni tapertaanerulersillugit.
Demokraatit Inatsisartuni gruppiat
Imm./pkt.: 61
Pujortartartut amerlassusaasa qanoq ikilisissinnaanerannut apeqquteqaat aallaavigalugu oqallisissatut siunnersuut.
Inatsisartunut ilaasortaq Justus Hansen, Demokraatit
Imm./pkt.: 62
Kalaallit Nunaanni imminortarnernik nuna tamakkerlugu pinaveersaartitsitsinermut periusissiaq atuuttussamik piareersaanissamut suut immikkut isiginiarneqassanersut, kikkullu ilusilersueqataanissamut peqataatinneqassanersut oqallisissiatut siunnersuut.
Inatsisartunut ilaasortaq Malene Vahl Rasmussen, Demokraatit
Imm./pkt.: 63
Apeqquteqaat aallaavigalugu oqallisissatut siunnersuutigineqarpoq, sulinermut tunnganerusumik inuussutissarsiornermut ilinniakkat, ilinniarnerup annersaa suliffeqarfinni ingerlanneqarluni, qanoq ililluni amerlanerit ilinniagaqalernissaannut ikiuutaasinnaanersoq.
Inatsisartunut ilaasortaq Rachel Ingemann, Demokraatit
Imm./pkt.: 64
Ilaqutariit nukittorsarumallugit ilaqutariinnik siunnersuisartut (coaching) pillugu apeqquteqaat allaavigalugu oqallinnissamik siunnersuut.
Inatsisartunut ilaasortaq Nivi Olsen Demokraatit
Imm./pkt.: 66
Siull. 11/11-2020
Nannunik piniarneq illersuinerlu pillugit Namminersorlutik Oqartussat nalunaarutaat allanngorteqqullugu Naalakkersuisut peqquneqarnissaannik Inatsisartut aalajangiiffigisassaattut siunnersuut. Taamaalilluni nannunik inuit najugaqarfiinut pisunik pisarinnittoqarsinnaanngorlugu, pisaqarnissaq sioqqullugu immikkut akuersissummik peqqaanngikkaluarluni.
Inatsisartunut ilaasortaq Jens Napãtôk´ Partii Naleraq
Imm./pkt.: 67
Siull. 19/11-2020
Qilalukkat nipinut illersorneqarnissaat siunertaralugu kangerlunni qaqortat qernertallu sivisunerusumik najortagaanni angallatit aalajangersimasut ingerlaartarnerisa killilerneqarsinnaaneranut periarfissat misissoqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut. Misissuineq UKA2021-mut naammassineqarsimassaaq iliuusissanillu aalajangersimasunik siunnersuutitaqassalluni.
Inatsisartunut ilaasortaq Jens NapãtôK´ Partii Naleraq
Imm./pkt.: 69
Siull. 24/11-2020
Atuarfik pillugu Inatsisartut inatsisaat nr. 15, 3. December 2012- meersoq naapertorlugu Naalakkersuisut nalunaarummik saqqummiusseqqullugit peqquneqarnissaannik Inatsisartut aalajangiiffigisassatut siunnersuut. Nalunaarummi aalajangersagaqassaaq nalilersuinermut immersugassamik ilitsersuutitalimmik pilersitsisoqassasoq pitsaasutsimik nalunaarusiortarnermut ilaatinneqartussamik, meeqqat atuarfianni siulersuisuisut, pisortat ilinniartitsisullu ineriartortitsinerminni atortagassaannik.
Inatsisartunut ilaasortaq Jens NapãtôK´ Partii Naleraq
Imm./pkt.: 73
Namminersorlutik Oqartussat suliffeqarfiutaanni aktieselskabini siulersuisuinut siulittaasunik toqqaasarneq pillugu oqallinnissamik siunnersuut.
Inatsisartunut ilaasortaq Jens Napãtôk´, Partii Naleraq
Imm./pkt.: 74
Meeqqat atuarfianni, inuussutissarsiutinut, ilisimatusarfimmi il.il. ilinniartut ilitsoqqussaralugit kalaallisut oqaatsitik atorlugit inaarutaasumik misilitsittarnissaasa allatulluunniit misilitsittarnissaasa qanoq qulakkeerneqarsinnaanera pillugu apeqquteqaat aallaavigalugu oqallisissiatut siunnersuut.
Inatsisartunut ilaasortaq Jens Napãtôk’, Partii Naleraq
Imm./pkt.: 78
Qanoq iliornikkut nunatsinni aalisakkanik tukertitsivinnik, kapisilinnillu tukertitsivinnik pilersitsisoqarsinnaaneranik aallarnisaarusuttunut tapersersuisinnaaneq pillugu Inatsisartunut apeqquteqaat aallaavigalugu oqallinnissamut siunnersuut.
Inatsisartunut ilaasortaq Siverth K. Heilmann, Atassut
Imm./pkt.: 79
Siull. 19/11-2020
Nipilersortartut immiussinissamut aningaasartuutaannut 10.000 kr. tikillugu tapiissummik misiliutaasumik 2021-miit augustip aallaqqaataani atuutilersussamik Naalakkersuisut pilersitseqqullugit Inatsisartut aalajan-giiffissaattut siunnersuut. Katillugu ukiut marluk ingerlaneranni 300.000 kr.-nik aningaasalerneqassaaq, Nunatsinni nipilersukkanik saqqummersitsisarnerup siuarsarmissaanik siunertalimmik. Misilittagaalersimasut nalilersuinissamut atorneqassapput avammut tunisassiornikkut kiisalu eqqumiitsuliornikkut siuariarsimanermut sunniuteqarsimanersut.
Inatsisartunut ilaasortaq Aqqalu C. Jerimiassen, Atassut
Imm./pkt.: 80
Akiliisitsiniartarnermut oqartussaaffiup kommunenut tunniunneqarpat qanoq iluaqutaasinnaanersoq pillugu Inatsisartunut apeqquteqaat aallaavigalugu oqallisissiaq.
Inatsisartunut ilaasortaq Aqqalu C. Jerimiassen, Atassut
Imm./pkt.: 81
Motorafgiftimut suliassat, allaffissornikkut, akiliisitsisarnermullu akisussaaffik kommunenut tunniunneqarpat sutigut sumiiffinni iluaqutaasinnaanersut pillugu Inatsisartunut apeqquteqaat aallaavigalugu oqallisissiaq.
Inatsisartunut ilaasortaq Aqqalu C. Jerimiassen, Atassut
Imm./pkt.: 83
Qanoq iliornikkut aalisakkat massakkut tunisassiaanngitsut aalisarfiunngitsuni atorluarsinnaalerumallugit aalisartut isumannaannerusunik anginerusunillu aalisariutitaarsinnaanissaannik tapersiisinnaanerluta apeqquteqaat aallaavigalugu oqallisissiassatut siunnersuut.
Inatsisartunut ilaasortaq Siverth K. Heilmann, Atassut
Imm./pkt.: 90
Aappass. FM 2021
Timersorneq pillugu inatsimmi e-sport timi atorlugu timersuutitut allatuulli akuerisaanissaa pillugu Naalakkersuisut inatsimmut allannguutissatut siunnersuuteqaqqullugit peqquneqarnissaannik Inatsisartut aalajangiiffissaattut siunnersuut.
Inatsisartunut ilaasortaq Aqqalu C. Jerimiassen, Atassut
Imm./pkt.: 91
Siull. 24/11-2020
Illoqarfinni nunaqarfinnilu, immap tinittarnera ulerujussuartarneralu pillugit, angallatinut umiarsuarnullu talittarfiit qarsunneqartaleriartuinnarneri, isumannaannerusumik aaqqissuunneqarnissaat siunertaralugu, UKA2021-mut naammassereersimasussamik Naalakkersuisut pilersaarusioqqullugit peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Bentiaraq Bendtsen Ottosen, Atassut
Imm./pkt.: 95
Angallatit nuannaariutit pillugit aammalu angallatinut nuannaariutinut tamanut isumannaallisaanermut ajunaalernermullu atortoqarnissamut piumasaqaateqalernissaq pillugu imaani isumannaallisaaneq pillugu apeqquteqaat aallaavigalugu oqallinnissamut siunnersuut.
Inatsisartunut ilaasortaq Aleqa Hammond, Nunatta Qitornai
Imm./pkt.: 98
Siull. 24/11-2020
Konflikråd-imut inatsit nr. 467 12. juni 2009-meersoq, tassa pineqaatisseereersimanerup qaangernerani pinerlussimasup pinerluffigineqartullu akornanni kiinneqatigiilluni oqaloqatigiissinnaanermut siunnersuineq, Kunngip akuerisaanik Kalaallit Nunaannut atuutilersinneqarsinnaasunngortikkumallugu Naalakkersuisut danskit Naalakkersuisuinut isumaqatiginninniarnissaannik peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Aleqa Hammond, Nunatta Qitornai
Imm./pkt.: 106
Siull. 6/11-2020
Imm. 40 aamma 106 ataqatigiisillugit siullermeerneqarput.
Nunap nakkaassinnaaneranut ulorianartorsiulerneq pillugu kalerisaarigasuarsinnaanerup upalungaarsimanissamut piumasaqaatitigut naammassinninnissamut teknikkikkut atortorissaasusersornikkut aqqutissiuuteqqullugu misissuisoqassasoq Naalakkersuisut peqquneqarnissaannik Inatsisartut aalajangiiffigisassaattut siunnersuut. Upalungaarsimanissamut kalerrisaarinissamullu aaqqissuussinerit, pilersitap isumannaallisaanikkut sunnitissai aningaasatigullu kingunerisassai misissuinerup imarissavaa. Illorsuarni pilersitsinissamik periarfissat misissuinermi immikkut ittumik ilaatinneqassapput. Misissuinerup inernera kingusinnerpaamik Inatsisartunut saqqummiunneqassaaq UKA 2021-imi.
Siumup Inatsisartunut ilaasortaatitai
Imm./pkt.: 110
Siull. 10/11-2020
Tasiilap eqqaani piniarnermut nakkutilliisoqartitsisoqalernissaa suliareqqullugu Naalakkersuisut peqquneqarnissaanik Inatsisartut aalajangiiffigisassaattut siunnersuut.
Siumup Inatsisartunut ilaasortaatitai
Imm./pkt.: 113
Siull. 17/11-2020
Qimmit qimuttut Qeqertarsuarmiittut 2017 kingorna piaqqiaasut tamarmik DNA-kkut misissortinnissaannik Naalakkersuisut peqquneqarnissaannik Inatsisartuni aalajangiiffigisassatut siunnersuut. DNA-kkut misissuinerup takutissavaa qimminik akusaqalersimanersoq. Naalakkersuisut peqquneqassapputtaaq qimminik akusanik nassaartoqarpat, qimmimik akusamik piginnittoq qimmiutini akusaasoq toqukkusunneraa paasiniassallugu.
Inatsisartunut ilaasortaq Doris J. Jensen, Siumut
Imm./pkt.: 117
Ineqarnerup tassugalu ilanngunneqarsinnaasut ilanngullugit aaqqissuuteqqinnissaannik pisariqartitsineq pillugu apeqquteqaat aallaavigalugu Inatsisartut oqallinnissaannik siunnersuut.
Partii Naleraq, Gruppe
Imm./pkt.: 120
Kikkut kalaaliunersut – kalaallisut kinaassuseqarneq qanoq paasineqartarnersoq, pillugit apeqquteqaat aallaavigalugu oqallisissiatut siunnersuut.
Inatsisartunut ilaasortaq Pele Broberg, Partii Naleraq
Imm./pkt.: 122
Aappass. UPA 2021
Timersortartut, Kalaallit Nunaat sinnerlugu nunanut allanut unammisartut, nunanut allanut unammisartuunerminnut atatillugu, sulinngiffeqarnerminni annaasaminnik qanoq iliorlutik taarsiiffigineqarsinnaanerannut tunngasunik paasititsiniaanernik ingerlatsinissamik Naalakkersuisut suliakkerneqarnissaat pillugu Inatsisartut aalajangiiffigisassaattut siunnersuut. Paasititsiniaaneq 2021 ingerlanerani naammassineqassaaq.
Inatsisartunut ilaasortaq Peter Olsen, Inuit Ataqatigiit
Imm./pkt.: 123
Nunatsinni meeravissiartaarniartut angalanermut, ineqarnermut nerisaqarnermullu aningaasartuutit taarsiivigineqarsinnaanerat periarfissarsiunneqarsinnaanera pillugu apeqquteqaat aallaavigalugu oqallisissiaq.
Inatsisartunut ilaasortaq Mikivsuk Thomassen, Inuit Ataqatigiit
Imm./pkt.: 124
Aalisarnermut akuersissutinik pisassiissutinillu tunniussisoqalertinnagu aalisarnerullu iluani kiffartuussinissamut isumaqatigiissuteqarnissaq pitinnagu akiligassaareersunik pisortanut akiitsorilersimasanut qularnaveeqqusiisimanngikkaanni pisortanut akiitsut 100.000 koruuninit amerlanerunnginnissaannik qinnuteqartumut piumasaqaateqalernissaq pillugu apeqquteqaat aallaavigalugu oqallinnissamik siunnersuut.
Inatsisartunut ilaasortaq Sofia Geisler, Inuit Ataqatigiit
Imm./pkt.: 127
Innuttaasut pisortanut akiitsullit akiitsuinik qanoq ililluta ikilisaasinnaanerput pillugu apeqquteqaat aallaavigalugu oqallisissiaq.
Inatsisartunut ilaasortaq Peter Olsen, Inuit Ataqatigiit
Imm./pkt.: 128
Meeqqat, inuusuttut inersimasullu akornanni naqinnernik ilisarinnissinnaanngitsut aamma atuarnermik allannermillu ajornartorsiuteqartut pillugit nuna tamakkerlugu iliuusissanik pilersaarusiornissamut Naalakkersuisut peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Sofia Geisler, Inuit Ataqatigiit
Imm./pkt.: 131
Siull. 18/11-2020
Innarluutilinnik sullissisutut atorfillit ilinniagaqarnissamut, ingerlaqqiffiusumik ilinniagaqarnissamut pikkorissarnissanullu pisariaqartitsinermik naammassinnittussamik ataavartussamik Naalakkersuisut periusissiorlutillu iliuusissatut pilersaarusiornissaannut piumasaqarfigineqarnissaat pillugu Inatsisartut aalajangiiffigisassaattut siunnersuut. Periusissiami iliuusissatullu pilersaarummi suliniutaasut anguniagassatut allassimasunut naapertuunnersut piffissap ingerlanerani nalilersuisarnissaq ilaassaaq. Periusissiatut iliuusissatullu pilersaarut saqqummiunneqassaaq kingusinnerpaamik UKA2021-mi.
Inatsisartunut ilaasortaq Sofia Geisler, Inuit Ataqatigiit
Imm./pkt.: 134
Aappass. UPA 2021
Pingajuss. UPA 2021
Pingajuss. UPA 2021
Uunga siunnersuut: Inatsisartut Naalakkersuisullu pillugit Inatsisartut inatsisaata allanngortinneqarneranik Inatsisartut inatsisaat, nr. xx, uu. qqqq 2020-meersoq. (Kukkunersiuinermut Ataatsimiititaliap piginnaatitaanera aamma paasissutissanik atortussanillu piumasaqarsinnaatitaanera)
Inatsisartut Siulittaasuat
Imm./pkt.: 142
Apeqquteqaat aallaavigalugu oqallisissatut siunnersuutigaarput, politikkikkut suliniutit suut aallartittariaqarnerigut imigassamik atornerluisut ikilisarniarlugit aammalu siunissami imigassamik atornerluinerup pinaveersaartinnissaanut.
Inatsisartunut ilaasortaq Bo Martinsen, Demokraatit
Imm./pkt.: 143
Apeqquteqaat aallaavigalugu oqallisissatut siunnersuutigaarput, qanoq ililluta pisortat suliffeqarfiini perorsaanermik aamma/imaluunniit inunnik isumaginninnermik suliaqartut inunnik sullissinerminni uippakajaarnissaraluat aammalu nukissaarunnissaraluat pinaveersaartitsinnaaneripput.
Demokraatit Inatsisartuni gruppiat
Imm./pkt.: 144
Nunatut siunissami qimaasunik tigusisarnissarput piareersimaffigisalissaneripput pillugu apeqquteqaat allaavigalugu oqallinnissamik siunnersuut.
Inatsisartunut ilaasortaq Malene Vahl Rasmussen, Demokraatit
Imm./pkt.: 184
Siull. 14/10-2020
Imm. 29, 184, 186 aamma 188 ataqatigiisillugit siullermeerneqarput.
Politiit atuuffiat pillugu inatsisip Kalaallit Nunaannut atuutilernissaanut peqqussutissatut missingiummut Namminersorlutik Oqartussat akuersinissaat pillugu Inatsisartut aalajangiiffigisassaattut siunnersuut.
Isumaginninnermut, Ilaqutariinnut Inatsisinillu Atuutsitsinermut Naalakkersuisoq
Imm./pkt.: 186
Siull. 14/10-2020
Imm. 29, 184, 186 aamma 188 ataqatigiisillugit siullermeerneqarput.
Kalaallit Nunaanni eqqartuussisarnermik inatsisip allanngortinnissaanut inatsimmut missingiut (Pinerlunnernit eqqorneqartut inatsisitigut inissisimanerannik pitsanngorsaaneq) aamma Pinerlunnernit eqqorneqartunut naalagaaffimmit taarsiissutit pillugit inatsisip allanngortinneqarnissaanik inatsisit assigiinngitsut kunngip peqqussutaatigut Kalaallit Nunaannut atortuulernerannik peqqussummut missingiut pillugit Inatsisartut aalajangiiffigisassaattut siunnersuut.
Isumaginninnermut, Ilaqutariinnut Inatsisinillu Atuutsitsinermut Naalakkersuisoq
Imm./pkt.: 188
Siull. 14/10-2020
Imm. 29, 184, 186 aamma 188 ataqatigiisillugit siullermeerneqarput.
Kalaallit Nunaanni Eqqartuussisarnermik inatsisip inatsisillu allat assigiinngitsut allanngortinneqarnissaannut inatsisissatut siunnersuummut missingiut pillugu (Politiit pillugit aaqqissuusseqqinnermik, politiinik naammagittaalliuutiginnissinnaanermik aaqqissuussinermik pilersitsinermik il.il. naammassinninneq) Namminersorlutik Oqartussat akuersinissaat pillugu Inatsisartut aalajangiiffigisassaattut siunnersuut.
Isumaginninnermut, Ilaqutariinnut Inatsisinillu Atuutsitsinermut Naalakkersuisoq