Nersornaat - Naja Lyberth
Inatsisartut Siulittaasuata Kim Kielsenip ulloq 16. november 2026-mi Nuummi Naja Lyberth sølviusumik Nersornaaserpaa
Inatsisartut Siulittaasuata Kim Kielsenip Nuummi Hans Egedep Illuani nalliuttorsiorpalaartumik katerisimaarnermi Naja Lyberth sølviusumik Nersornaaserpaa.
Naja Lyberth ukiuni kingullerni nunatsinni niviarsiaqqat, arnat inuusuttuaqqat arnallu inersimasut ullumikkut utoqqasaanngornikut pillugit annertuumik suliaqarsimaneranik sølviusumik Nersornaaserneqarpoq.
Inatsisartut Siulittaasuata Naja Lyberthimut oqalugiarnermini ilaatigut makku erseqqissaatigai:
“Sapiissuseqarlutit, nukittullutit aalajangiusimallutillu Kalaallit Nunaanni oqaluttuarisaanitsinni pisimasoq alianartoq annertuumik oqallisigineqalersillugu saqqummerseqqinniarnerani aallarnisaavutit. Oqaluttuaq tamanna sivisuumik nipangiusimaneqarsimavoq, naak arnanut, taakku ilaqutaannut minnerunngitsumillu inuiaqatigiinni inunnut amerlasoorpassuarnut annertoorujussuarmik kinguneqarsimagaluartoq. Kingunerilu taakku ullutsinni suli atuupput.
Suliniuteqarnerpit arnat eqqugaasimasut nipaat tusaaneqalersippaa. Tamatumalu peqatigisaanik akisussaaffik, akuersaarneq naapertuilluarnerlu pillugit inuiaqatigiinni pingaarutilimmik oqallinnermut aqqutissiuussivutit.
Eqqortuusup tusarneqarnissaa ilungersuutigalugu saqqummerniarneq sapiissuseqarfiusariaqarpoq. Suliniuteqarnerit arnanut eqqugaasunuinnaq pingaaruteqanngilaq, aammali inuiaqatigiinnut tamanut kinguaariinnullu aggersunut pingaaruteqarpoq.
Oqaluttuarisaanitsinni pisimasut toqqorterneqarsimasut qaqilerneqarnissaasa, eqqugaasimasut tusaaniarnissaasa siunissamillu pitsaanerusumik sulissutiginninnissap qanoq pingaaruteqartiginerat takutippat.”
Siulittaasoqarfik sinnerlugu
Inatsisartut Siulittaasuat Kim Kielsen