Inatsisartut Siulittaasoqarfiat

Inatsisartut Siulittaasoqarfiat Siulittaasumik siulittaasullu tulliinik sisamanik Inatsisartunit qinerneqartunik inuttaqarpoq. Siulittaasup, ulloq tamaat atorfeqartitaasup, Siulittaasoqarfiup suliassaasa isumagineri suliarisaraa. Inatsisartut Inatsisartunilu ilaasortat sulineranni kiisalu Inatsisartut Naalakkersuisullu akornanni suleqatigiinnermi naapertuuttunik atugassaqartitsisoqar­nissaa qulakkeerniarlugu Inatsisartut Siulittaasoqarfiata suliassat assigiinngitsorpassuit isumagi­neqarnissaat akisussaaffigaa. Tamatuma saniatigut Inatsisartut sinnerlugit avammut kiinnernissa­mut aammalu Inatsisartut suliaasalu inerneri pillugit paasissutissanik pitsaasumik tamanut ingerlatitseqqinnissamut Siulittaasoqarfik pisussaaffeqarpoq. Siulittaasoqarfittaaq Inatsisartut toqqortaataasa toqqortaatigineqarnissaannut tammatsaaliorneqarnissaannullu akisussaasuuvoq.

 

Siulittaasoqarfiup sulinera pingaarnertigut Inatsisartut Naalakkersuisullu pillugit inatsit, Inatsi­sartuni ilaasortat il.il. aningaasarsiaqartitaanerat pillugu inatsit kiisalu Inatsisartut Suleriaasiat naapertorlugit ingerlanneqarpoq. Suliassamut tassunga ilanngullugu Siulittaasoqarfik suliassanik suugaluartunilluunniit Inatsisartunut Inatsisartunilu ilaasortanut tunngaviusumik pingaarutilinnik  suliarinnissinnaavoq. Naallu suliassat ingerlatallu Inatsisartut ataatsimiilernerisa ataatsimiinneri­salu nalaanni annertunerusaraluartut Siulittaasoqarfiup akisussaaffiisa suliassaqarfiisalu ukioq kaajallallugu tunaartaqarluartumik sulinissaq pisariaqartippaat.

Attaveqarneq
Elly Hauge Pedersen
Nutserisoq
Ilaasortaq
Sinniisoq
Ilaasortaq / Sinniisoq
Mimi Karlsen
Inuit Ataqatigiit
Siulittaasoq
Asii Chemnitz Narup
Inuit Ataqatigiit
Sinniisoq

Anders Olsen
Siumut
1. Siulittaasup tullia
Jens Kristian Therkelsen
Siumut
Sinniisoq

Peter Olsen
Inuit Ataqatigiit
2. Siulittaasup tullia
Mikivsuk Thomassen
Inuit Ataqatigiit
Sinniisoq

Mala Høy Kúko
Siumut
3. Siulittaasup tullia
Karl Tobiassen
Siumut
Sinniisoq

Imaqanngilaq / Tom
Pele Broberg
Naleraq
Sinniisoq