Sanaartornermut ataatsimiititaliaq Svalbardimut paasisassarsiorluni angalaqqammerpoq

Sanaartornermut ataatsimiititaliami amerlanerussuteqartut Longyearbyenimut Svalbardimiittumut angalaqqammerput. Issittumi attaveqaasersuutinut teknikimut suliniutinullu tunngasut paasisaqarfiginissaat angalanermi siunertarineqarpoq.  

Ataatsimiititaliaq pisortat oqartussallu sinnissaannik ataatsimeeqateqarpoq, norgip naalagaaffiata aallartitaanni qullersaq, Sysselmesteren, tassani Svalbardimi inuunermi malittarisassat immikkut ittut suuneri saqqummiunneqarput – assersuutigalugu norgip naalagaaffiata Svalbardimi innuttaasut amerlassusissaat killilernikuugaat. 

Paasisassarsiorluni angalanermut atatillugu ataatsimiititaliap ilaasortaasa UNIS (Svalbard ilisimatusarfik), immikkut ukkatarisai pissutigalugit Kalaallit Nunaanni ilinniaqqiffiusinnaasunit soqutiginaatilerujussuusinnaasoq alakkarneqarpoq.  

Taamatuttaaq aamma SVALSAT alakkarneqarpoq, taanna qaammataasanik ingerlataqarfiuvoq. Niuerfinnut arlalinnut attuumassuteqarpoq – soorlu umiarsuarnik nakkutilliineq (soorlu uuliaarluartoqarnissaanut upalungaarsimasuulluni) aamma qaammataasat atorlugit attaveqaqatigiinnermut tunngasunik tuniniaasoq. 
Ataatsimiititaliap Store Norske (suliffeqarfik pisortanit pigineqartoq) aamma Næringsdepartementet, pisortat nukissiuutinik pilersuinerannut tunngassutillit inissiaatillu ilungersunartumik inissisimaffeqarsinnaasut oqaluuserineqarput. Silap allanngornerata malitsigisaanik nuna qeriuaannartuuneranut sunniutai annertuumik ajornartorsiutaavoq.

Ataatsimiititaliap aamma Visit Svalbard ataatsimeeqatigaa, tassani ilaatigut Svalbardimi takornariaqarneq pillugu saqqummiussisoqarpoq, Kalaallit Nunaannilu pissutsinit amerlasuutigut assigiiffeqarput.

Naggataatigut ataatsimiititaliaq pissanganartumik Longyearbyenip umiarsualivianni angallanneqarpoq, Telenorilu aamma ataatsimeeqatigineqarpoq. 

Justus Hansen
Sanaartornermut Ataatsimiititaliami siulittaasoq
For yderligere oplysninger kan udvalgets formand kontaktes på mobil +299 531210