Inatsisartut Siulittaasuat Nunat Avannarliit Siunnersuisoqatigiiffiata Københavnimi allatseqarfianut pulaarpoq

Nunarsuarmi sumi inissisimaneq tunngavigalugu Kalaallit Nunaata naalakkersuinikkut ilungersunartumik inissisimaneranut atatillugu Nunat Avannarliit Siunnersuisoqatigiiffiannut Siulittaasoqarfik Kalaallit Nunaannut tapersersuineranut qujassuteqarfigiartorlugu Inatsisartut Siulittaasuata Kim Kielsenip Nunat Avannarliit Siunnersuisoqatigiiffiata allatseqarfia ulloq 6. maj pulaarpaa.

Ataatsimiinnermi Nunat Avannarliit Siunnersuisoqatigiiffiannut Sverigep 2025-mi siulittaasuunerani pisussanut pilersaarummik, Helsingforsimi isumaqatigiissutip nutarterneqarnissaanik kaammattuutitut aalajangersagaq pillugu suliap taassumalu naalakkersuisunit suliarineqarnerata killiffiannik, Kalaallit Nunaata, Ålandip Savalimmiullu Nunat Avannarliit Siunnersuisoqatigiiffiata Siulittaasoqarfiani ilaasortaatitaqarnissaa eqqarsaatigalugu Nunat Avannarliit Siunnersuisoqatigiiffiannut Siulittaasoqarfiup suleriaasianik nutarterilluni suliap killiffianik, Nunat Avannarliit Siunnersuisoqatigiiffianni ataatsimiititaliat Nuummi 2025-mi juunimi ataatsimiinnissaannik kiisalu Nunat Avannarliit Siunnersuisoqatigiiffianut siulittaasup Kalaallit Nunaannut 2025-mi aggustimi tikeraarnissaanik siulittaasoq saqqummiivigineqarpoq.