Inatsisartut Siulittaasuat Altingip siulittaasuanik Reykjavikimi naapeqateqarpoq

Inatsisartut Siulittaasuat Kim Kielsen 2025-mi maajip ulluisa 19-ianni Islandimi inatsisartut Altingip siulittaasuannik Thorunn Sveinbjarnadottirimik Reykjavikimi naapeqateqarpoq.

Inatsisartut Siulittaasuat Islandimi siulittaasoqamminik naapeqateqarpoq Inatsisartut Altingillu akornanni suleqatigiinneq pitsaasoq malunnartinniarlugu nukittorsarniarlugulu.

Siulittaasut aggustimi Ilulissani Savalimmiuni inatsisartut Lagtingip siulittaasuat Bjørt Samuelsen ilagalugu naapeqatigeeqqinnissaminnut periarfissaqassapput, tamarmik pingasuullutik Nunat Avannarliit Killiit Siunnersuisoqatigiiffiata ukiunik 40-nngortorsiornerata malunnartinniarneqarneranut atatillugu siunnersuisoqatigiiffiup Ilulissani ukiumoortumik ataatsimiinnissaanut qaaqquneqarsimagamik.

Islandimi siulittaasoqarfiup isumasioqatigiinnerani siulittaasoqarfik Altingip siulittaasoqarfianik naapeqateqarportaaq.

Isumasioqatigiinnermut atatillugu siulittaasoqarfik Islandip oqaluttuarisaanera sananeqaataalu eqqarsaatigalugit sumiiffimmut immikkuullarissumut pingaarutilimmullu, ilaatigullu ukiumi 930-mi Islandimi inatsisartut Altingip siullerpaamik ataatsimiiffigisimasaannut, Tingvellirimut alakkaapput.