Nutaarsiassaq 23.06.2025

23.06.2025

Aatsitassanut inuussutissarsiornermullu ataatsimiititaliaq:

Qinigaaffik aallartittoq aatsitassanut inuussutissarsiutinullu ataatsimiititaliaq tallimanik ilaasortaqassasoq Inatsisartut siulittaasoqarfianniit aalijangerneqarsimavoq, siornatigut arfineq marlunnik inuttaqartinneqartarnikuusimavoq.

Sulinerput allartilluareerpoq qaammammut ataasiartumik ataatsimiittarnerit maannamut ingerlappagut.

 

 

Naalakkersuisunik suleqateqarniarneq:

Inuussutissarsiornermut, Aatsitassanut, Nukissiutinut, Inatsisit Atuutsinneqarnerannut Naligiissitaanermullu Naalakkersuisoqarfimmit, Naalakkersuisup nammineq piumassutsiminik ataatsimiititaliaq aggersarlugu ilisimatitsiffiusumik ataatsimeeqateqarpoq Naalakkersuisumit ingerlanneqarpoq. Taanna suliat killiffiinnik ilisimatitsiutigaluni qinigaaffimmi uani suliassatut siunnerfigisimasaminik soqutiginartunik arlalinnik saqqummiussiffigaatigut, ataatsimiititaliami ilaasortanut soqutiginartutut tiguneqartunik.

Maannamulli suli Naalakkersuisut ataatsimiititaliatut suliassaqarfitsinnut tamakkiisumik attuumassuteqartut suli tusagaqarfiginngilagut, tamannalu allanngortinniarlugu suliniuteqarluta aallartippugut.

 

 

Ataatsimiititaliap susassaqarfiinni ataatsimeeqatiserineqarnerit:

Ataatsimiititaliaq marlussoriarluni folketingimi Grønlandsudvalgimik ataatsimeeqateqarpoq. Tassani danskit nunaanniit inuussutissarsiutinut nunatsinni piusunut aningaasaliisinnaanermik soqutininninerup annertusarneqarnissaanik Folketingimi ilaasortaatitaasup Aaja Chemnitz Drieferimit suliniuteqarneratigut ingerlanneqarpoq. Pisuni taakkunani assigiinngitsut saqqummiussisuutinneqarlutik assersuutigalugu Sulisitsisut peqatigiiffiat Nunatsinneersut, aammalu danskit nunaanni sulisitsisut peqatigiiffii.

 

 

Ataatsimiititaliami ammanerusumik peqataatitsinerusumillu ingerlanissaq:

Ataatsimiititaliatut pingaartipparput avammut ammasumik nalunaaruteqartarnissarput tamanna siulittaasutut anguniarlugu sulissuteqarlunga isummerfissamik qaqitsinerma kingorna ataatsimiititaliap ilaasortaatitaasa tamarmiullutik isumaqatigiittup akuersissutigaat. Tamatumallu kinguneranik suliatsinnik tusagassiarinnittarnissarput aalijangersimavarput unalu tassaavoq nalunaarut siulleq, suleqatigiinnissarpullu manna aallarnisaleruttortoq neriuuteqarluarluta inuiannik sullissinissatsinnut qilanaarpugut, qanortoq malinnaaffigigisigut.

 

 

Ataatsimiititaliamut sassartinneqarnissamut saaffigineqarsinnaaneq ammavoq:

Suliassaqarfinnullu attuumassuteqarfigisatsinnut piumasut ataatsimiititaliamut sassartarsinnaannermut periarfissaavoq ataatsimiitititaliap allattaattaanut saaffiginninnikkut, suliassaqarfinnullu attuumassuteqartut periarfissamik atorluaaqqullugit innersuussutigaarput.

 

Sullissinissatsinnut qilanaarluta:

 

 

 

Mariane Paviasen                                                                       Qupanuk Olsen

Ataatsimiititaliap siulittaasua                                      Ataatsimiititaliap siulittaasuata tullia

 

Hans-Erik Enoksen                        Knud Kleemann                       Lars Poulsen