Eqqissisimatitsinermut Avatangiisinullu Ataatsimiititaliaq Islandimi paasisassarsiorluni angalavoq

Eqqissisimatitsinermut Avatangiisinullu Ataatsimiititaliami amerlanerussuteqartut Islandimi paasisassarsiorlutik angalanertik naammasseqqammerpaat. Avatangiisit, pinngortitap kulturillu illersornissaat piujuartinneqarnissaallu nutaamik ilisimasaqarfigineqarnerulernissaat siunnerfigalugu angalaneq ingerlanneqarpoq.  

Ataatsimiititaliap oqartussat, suliniaqatigiiffiit suliffeqarfiillu assigiinngisitaartut naapeqatigai, Kalaallit Nunaannilu atorneqarsinnaasunik aaqqiissutaasinnaasunillu naapeqatigiinnerit eqqartuiffiupput.

Angalaneq Islandimi Kalaallit Nunaata Aallartitaqarfianut pulaarnermik aallarnerneqarpoq, tassani kalaallinut innuttaasunut Islandimiittunut Naalakkersuisunullu sullissinertik sukumiisumik nassuiaasoqarluni.

Tamatumalu kingorna Islandip Katersugaasivia, industriministeriaqarfia (suliffissuit pillugit Islandimi ministeriaqarfik), aammalu Islandip pinngortitaq pillugu ilisimatusarfiata suliassaqarfii suliassaalu pillugit ataatsimeeqatigineqarput. Aammalu eqqakkanik passusseriaaseq kommunit akimorlugit kattuffeqarfiup Sorpa-p kiisalu nukissiuuteqarfik Hellisheiði aammalu aalisakkanik tukertitsivik First Water.

Ataatsimiititaliaq ilaatigut kinguliani allassimasut pillugit ilisimatinneqarlunilu isumassarsitinneqarpoq:

• Islandimi innuttaasut sumiiffimmi ilisimasaat kulturimut, pinngortitamut aammalu oqaluttuarisaanikkut kingornussassani ilaatinneqarlutillu ilanngunneqartarmata.
• Eqqakkanik passussineq immikkoortiterinerlu qeqertami inuiaqatigiittut aningaasaqarnikkut kaaviiartitassatut inerisarneqarsinnaaneri, qanorlu Islandimi arlalitsigut eqqakkat illoqutigiinni atoqqinneqartarneri.
• Pinngortitap piujuartitsinermik toqqammaveqarluni qanoq atorneqartarnera aammalu atuisariaatsit atueqqilersitsisarnerullu suliffeqarfissuarni annerusumik minnerusumilluunniit pilersinneqarnerat. Tamannalu peqatigisaanik silap pissusaanut iluaqusiissalluni.  
• Naggataatigut minnerunngitsumillu issittumi pinngortitami avatangiisinilu mianernarsinnaasuni aalisakkanik tukertitsiveqarnermi sorpiaat eqqumaffigineqassanersut ilanngullugit. 

Napaartoq Isak Petrussen
Eqqissisimatitsinermut Avatangiisinullu Ataatsimiititaliami siulittaasoq