Inatsisartunut ilaasortatut qinigaarlaat ukiakkut ataatsimiinnermi katersuunnissamik tungaanut sulerisarpat?

 

Ulloq 11. marts 2025 Inatsisartunut qinersisoqarnerata kingorna Inatsisartut ulloq 7. april 2025 inissitsiterlutik ataatsimiipput, tamatumani Inatsisartut pilersinneqaqqipput nutaamik siulittaasulerlutik, siulittaasoqarfilerlutik ataatsimiititaliallu aqqaneq marluk nutaamik katiterneqarlutik.

 

Inatsisartut taamaalillutik ataatsimiititaliatik tamarmik tallimanik ilaasortallit pilersippaat aammalu ilaasortat sorliit ataatsimiititaliani sorlerni ilaasortaanersut Inatsisartut nittartagaanni takuneqarsinnaalluni.

 

Inatsisartut taamaalillutik ulloq 19. september 2025 ukiakkut ataatsimiinnermi katersuuteqqissapput.

 

 

Atuartartup ingerlaannaq paaserusussavaa Inatsisartunut ilaasortat tamarmik ukiakkut ataatsimiinnissami naapeqqinnissamik tungaanut sulerisarnersut.

 

Tassungalu atatillugu oqaatigisinnaavara ilaasortat naapeqqinnissamik tungaanut Inatsisartuni suliatik assigiinngitsorpassuartigut isumagisarmatigit. Partiit tamarmik ilaasortallu qinigaarlaat qinigaaqqittullu katersuutissapput partiinilu nutaamik inissititeqqissallutik, tamatumanilu partiini naalakkersuinikkut assigiinngitsunik atuuffilersuisoqassaaq, tamatumunngalu ilanngullugu ilaasortaaqatigiit nutaanik siulittaasulerneqassapput suliassaqarfinnilu assigiinngitsuni oqaaseqartartulerlutik. Inatsisartutigoortumik sulianut iserniarneq sivisusarpoq, taamaattumillu Inatsisartuni naalakkersuinikkut inatsisartutigoortumillu suliat pillugit paasissutissarpassuit aamma atuagassaajuaannassallutik.

 

Tamakkua saniatigut ataatsimiititaliat nutaat tamarmik immikkut katersuuttussaassapput ataatsimiititalianilu sulinertik aallartillugu. Tamanna aamma isumaqarpoq ilaasortat ataatsimiititaliani sulinermik aammalu Inatsisartut qanoq sulisarnerannik, Inatsisartut Naalakkersuisuni sulianut qanoq malinnaasarnerannik kiisalu Naalakkersuisut qanoq nakkutilliivigineqartarnerannik ilinniartinneqassasut.

 

Kiisalu Inatsisartunut ilaasortatut qinigaarlaat ataatsimiinnissamut siullermut piareersassapput, tamatumani siunnersuutinik ataatsimiinnissami aggersumi suliarineqartussanik aammalu ulloq 15. august tunniussivissatut piffissaliussamut piareerneqartariaqartunik nassiussissanerlutik ilaasortat nalilissallugu.

 

Oqaatigisinnaavarali qinikkat sulillutik aallartereermata aammalu ulloq 19. septemberimi ataatsimiinnissap tungaanut sulinngiffeqarnatillu friinngimmata. Inatsisartutigoortumik suliassarpassuaqarpoq suliarineqarnissaminnut utaqqisunik, soorluttaaq qinikkat namminneq partiiminni suli suliassarpassuaqartut.

 

Taamaammat ilaasortat, tamatumunngalu ilanngullugu ilaasortat ataatsimiititaliani sorlerni qanorlu amerlatigisuni ilaasortaaffeqarneri pillugit paasissutissat sukumiinerusut Inatsisartut nittartagaanni misissorneqarnissaat kaammattuutigilluarneqarsinnaavoq. Ilaasortat nammineq qinigarisimasat ataatsimiititaliani sorlerni inississimanersut, tamatumalu qineqqusaarnerminni anguniagaannut sanilliullugu takunissaat aamma soqutiginaateqarsinnaassaaq.

 

Ikinngutinnersumik inuulluaqqusillunga

Kim Kielsen

Inatsisartut Siulittaasuat