Nunanut Allanut Sillimaniarnermullu Ataatsimiititaliaq Naalakkersuisumik siunersiuivoq

Nunanut Allanut Sillimaniarnermullu Ataatsimiititaliap Nunanut Allanut Ilisimatusarnermullu Naalakkersuisoq ulloq 4. december 2025 aggersarpaa taamaasilluni ulloq 10. december 2025 ataatsimiititaliap suliassaqarfiinut tunngassuteqartunik siunersiorlugu. Tamatumunnga peqqutaanerpaajulluni Inatsisartuni ilaasortat § 37 aqqutigalugu apeqqutaat arlallit aammalu ataatsimiititaliap allakkatigut apeqqutai qaammatini arlalinni saaffiginnissutai akineqarneq ajornerat. Taamatuttaarlu borgmesterit ilaannaanik akuutitsilluni illersornissamut isumaqatigiissut pillugu oqaloqateqarsimanera ataatsimiititaliami amerlanerussuteqartut ilungersornartutut isumaqarfigimmassuk.

Nunanut Allanut Sillimaniarnermullu Ataatsimiititaliami ilaasortat amerlanerussutillit Nunanut Allanut Ilisimatusarnermullu Naalakkersuisumik suleqateqarniarneq kipiluttunarivaat. Tamanna Inatsisartutut sulinermi ilungersunartutut ataatsimiititaliami ilaasortanit amerlanerussuteqartunit nalunaarutigineqarpoq, naatsorsuutigalugulu Naalakkersuisup susassaqartup Inatsisartuni ataatsimiititaliaq qaninnerpaamik suleqatissaraluani aammalu Inatsisartut suleriaatsimi § 14 imm. 3 tunngavigalugu Naalakkersuisoq suleriaqqissasoq.

Ataatsimiititaliap kissaatigivaa suliassanut paasissutissat ataavartumik ingerlanneqartarnissaat. 

Pipaluk Lynge
Nunanut Allanut Sillimaniarnermullu Ataatsimiititaliap siulittaasua
Paasissutissat sukumiinerusut ataatsimiititaliap siulittaasuanut oqarasuaat +299 56 25 56 attaveqarluni pissarsiarineqarsinnaapput