Ullormut oqaluuserisassat
Ullut ataatsimiiffiusut aqqarnat, marlunngorneq 30. apriilip 2024, nal. 11:00
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 2
Ullormut oqaluuserisassanut nassuiaat.
Inatsisartut Siulittaasoqarfiat
Imm./pkt.: 27
Kalaallit Nunaanni eqqartuussisarnermik inatsisip allanngortinneqarnera pillugu inatsisissatut siunnersuutip (Inuit sakkutuujunngitsut pillugit eqqartuussivimmi suliat Nunatta Eqqartuussisuuneqarfianut innersuunneqarnerat) Kalaallit Nunaanni Namminersorlutik Oqartussanit akuersissutigineqarnissaa pillugu Inatsisartut aalajangiiffigisassaattut siunnersuut
Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoq
Imm./pkt.: 96
Inatsisartut aalajangiiffigisassaattut siunnersuut, Naalakkersuisut peqquneqassasut nalunaarusioqqullugit, utoqqaat immikkut nappaataat tarnikkullu nappaatigisinnaasaannut akimut suleqatigiinnik pilersitsinerup pitsaaqutaanik ajoqutaanillu nalunaarusiornissamik. Nalunaarusiattaaq qulaajassavaa aningaasaatigut allaffissornikkullu pisortanut kingunissai suliassaqarfiit akimorlugit utoqqarnut immikkut ittumik nappaatinut tarnikkullu nappaatilinnut suleqatigeeqalernissamut. Nalunaarusiaq UPA 2025 nallertinnagu Inatsisartunut agguaanneqareersimassaaq
Inatsisartunut ilaasortaq Anna Wangenheim, Demokraatit
Imm./pkt.: 109
Nunatsinni innuttaasut Danmarkimut nuuttarnerat sunik patsiseqarnersoq misissorlugu Naalakkersuisut nalunaarusiorlutik peqquneqarnissaat pillugu Inatsisartut aalajangiiffigisassaattut siunnersuut. Nalunaarusiaq UPA25 nallertinnagu Inatsisartunut agguaanneqassaaq.
Inatsisartunut ilaasortaq Aqqalu C. Jerimiassen, Atassut
Imm./pkt.: 98
Inatsisartut isummerfigisassaattut siunnersuut, Naalakkersuisut peqquneqassasut naartunermi, erninermi meeravissiartaarnermilu sulinngiffeqartarneq pillugu Inatsisartut inatsisaata nr. 5 19. november 2020-imeersut allanngortinneqarnissaanik imaasillugu, angajoqqaatut sulinngiffeqarneq sapaatit akunnerinit 21-nit sapaatit akunnerinut 37-inut sivitsorneqassasoq aammalu angajoqqaat kiffaanngissuseqarlutik namminneq sulinngiffeqarnermik aaliangiisinnaassasut.
Inaatsisartunut ilaasortaq Anna Wangenheim, Demokraatit
Imm./pkt.: 60
Isumaginninnermi, ilinniartitaarnermi peqqinnissamillu isumaginnittoqarfiit silassorissuusiaq atorlugu sullissisinnaanerannut Inatsisartut isumaat takorluugaallu pillugit apeqquteqaat aallaavigalugu oqallisissiaq.
Inatsisartunut ilaasortaq Asii Chemnitz Narup, Inuit Ataqatigiit