Ullormut oqaluuserisassat
Ullut ataatsimiiffiusut arfersaneq-sisamaat, tallimanngorneq 30. oktobarip 2026, nal. 11:00
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 2
Ullormut oqaluuserisassanut nassuiaat.
Inatsisartut Siulittaasoqarfiat
Imm./pkt.: 233
Uunga siunnersuut:
Peqqinnissaqarfiup sullissineri il.il. pillugit Inatsisartut peqqussutaata allanngortinnissaa pillugu Inatsisartut inatsisaat
Peqqinnissaqarfiup sullissineri il.il. pillugit Inatsisartut peqqussutaata allanngortinnissaa pillugu Inatsisartut inatsisaat
Peqqissutsimut inunnullu Innarluutilinnut Naalakkersuisoq
Imm./pkt.: 232
Uunga siunnersuut: Inuit innarluutillit tapersersorneqarnissaannut Inatsisartut inatsisaat
Peqqissutsimut inunnullu Innarluutilinnut Naalakkersuisoq
Imm./pkt.: 166
Namminersorlutik Oqartussat pigisaanni, pisortat suliffeqarfiutaanni misissueqqissaarnermi iluaqutaasinnaasut aamma ajoqutaasinnaasut selskabit niuertorpalaartumik ilusiligaasimanerannut aaqqissuussisimanermi siunertaqartunuinnaanngitsoq taamaattorli aamma immikkuullarissumik politikikkut qajassuussinissaq pillugu UPA2026-mut saqqummiussinissaannik Naalakkersuisut peqquneqarnissaannik Inatsisartut aalajangiiffigisassaattut siunnersuut
Inatsisartunut ilaasortaq Pele Broberg, Naleraq
Imm./pkt.: 188
Kalaallit Nunaanni aatsitassarsiorfinnut aatsitassanullu nuna tamakkerlugu malittarisassaqartitsinissamik Naalakkersuisut inatsisissamik siunnersuuteqarnissaannut peqqussuteqarnissamut Inatsisartut aalajangiiffigisassaattut siunnersuut
Inatsisartunut ilaasortaq Juno Berthelsen, Naleraq
Imm./pkt.: 251
Aatsitassarsiornerup, takornarialerinerullu iluini naatsorsuutigisamik ineriartornissap kingunerisaanik Nanortalik, eqqaanilu nunaqarfiit siuariartornissamut, suliffissanut, inuussutissarsiutillu ineriartortinneqarnissaannut qanoq pitsaanerpaamik piareersarneqarsinnaanerat pillugu nassuiaasiornissamik, Naalakkersuisut peqquneqarnissaannik Inatsisartut aalajangiiffigisassaattut siunnersuut. Nassuiaat UPA2027 tikitsinnagu Inatsisartunut agguaanneqassaaq.
Inatsisartunut ilaasortaq Hans-Erik Enoksen, Demokraatit
Imm./pkt.: 291
Nunattta kujataani aalisarnerup inuussutissarsiornerullu siuarsaanissaat siunertaralugu, attuumassuteqartut peqatigalugit aalisarnerup inuussutissarsiornerullu qanoq ineriartortinnissaannik siunnersuusiortussamik suleqatigiissitaliornissamik Naalakkersuisut peqquneqarnissaannik Inatsisartut aalajangiiffigisassaattut siunnersuut. Suleqatigiissitap siunnersuutai kingusinnerpaamik UKA 27-mi saqqummiunneqassapput.
Inatsisartunut ilaasortaq Nivi Rosing, Inuit Ataqatigiit
Imm./pkt.: 317
Inatsisartut aalajangiiffigisassaattut siunnersuut, Naalakkersuisut kingusinnerpaamik UKA2027-mi Kalaallit Nunaannut naleqqussakkamik, ataatsimoortumik ilusilersukkamik saqqummiussinissamik peqquneqassasut, aningaasaqarnikkut, akileraartarnikkut aaqqissuussaanikkullu kajumissaarutit aqqutigalugit Kalaallit Nunaanni najugaqarfinni minnerni, nunaqarfinni isorliunerusunilu najugaqarneq, suliffeqarneq, angerlaqqinneq aammalu inuussutissarsiummik ingerlatsineq qanoq kajuminnarnerulersinneqarsinnaanersoq pillugu. Ilusiliami Kalaallit Nunaata nunaanni, aningaasaqarnikkut inuiaqatigiinnilu pissutsit aallaavigineqassapput, ilaatigut akileraartarnikkut atugassarititaasut assigiinngisitaarsinnaanerat, inuunermi aningaasartuutit annikinnerulersinneqarsinnaanerat, angallannikkut assartuinikkullu atugassarititaasut pitsanngorsarneqarsinnaanerat, ineqarlernissamut soqutiginarsaanerit, inuussutissarsiortunut namminersortunut aallarnisaasunullu pitsaanerusunik atugassaqartitsisinnaaneq kiisalu inuusuttut ilinniagaqarsimasut inoqarfinni minnerni najugaqalernissaannut imaluunniit angerlaqqinnissaannut immikkut suliniutit periarfissaat misissorneqassallutik.
Inatsisartunut ilaasortaq Erik Jensen, Siumut
Imm./pkt.: 262
Apeqquteqaat aallaavigalugu oqallisissatut siunnersuut, qanoq ililluta inuusuttut ajornannginnerusumik sunngiffimmi sulisissinnaanerigut.
Inatsisartunut ilaasortaq Karen Marie Kyed Frederiksen, Demokraatit