Inatsisartut Allattoqarfiat atorfimmi nutaami allaffissornikkut ataqatigiissaarisumik pissarsiorpoq
Inatsisartut Allattoqarfiat allaffissornikkut ataqatigiissaarisumik aaqqissuussillaqqissumik, suliassat immikkuualuttortaannik tappiffilimmik akisussaassuseqartumillu ataatsimiititalianut Inatsisartunullu atatillugu suliassanik suliarinninnissamik nuannarisalik.
Inatsisartut Allattoqarfiat pillugu
Inatsisartut Allattoqarfianni qaffasissumik pitsaassusilimmik sunniuteqarluartumillu
inatsisartunut ilaasortat sullippagut, immikkoortortallu assigiinngitsut akornanni allaffissornikkut ataqatigiissitsisinnaasumik pisariaqartitsivugut.
Allaffissornikkut ataqatigiissaarisoq ulluinnarni ataatsimiititalianut allatseqarfimmi immikkoortortamut pisortap ataaniissaaq.
Suliassat
Allaffissornikkut ataqatigiissaarisutut immikkoortortani suliassanik ataatsimut isiginninnissaq ataqatigiissitsinissarlu qitiutillugit suliarissavatit. Suliassatit pingaarnerit makkuussapput:
- Inatsisartut ataatsimiinnissaat sioqqullugu, ingerlanneqarnerani kingornalu allaffissornikkut ingerlatsinerup pilersaarusiornerani piareersarneranilu peqataaneq
- Inatsisartut ataatsimiinneranut atatillugu atortussanik aaqqissuussinermi toqqortuinermilu ikiuunneq
- Ataatsimiititalianik sullissinermi suliassanik pilersaarusiornermut ikiuunneq, tassungalu ilaapput angalanissanik inniminniinerit ataqatigiissarinermillu suliassat allat
- Piffissap ingerlanerani suliassanik aalajangersimasunik ingerlatsineq
- Ataatsimiititaliat pulaarnerinut aaqqissuussinernilu peqataanerinut ikiuunneq
Naatsorsuutigisagut
- allaffissornikkut naleqquttumik ilinniagaqarsimanissat
- suliassanik assingusunik misilittagaqarnissat
- aningaasaqarnikkut aqutsinermik ilisimasaqarnissat
- suliassanik amerlasuunik piffissallu ulapaarfiusinnaasut iluanni pitsaasumik ingerlatsisinnaanissat, minnerunngitsumik Inatsisartut ataatsimiinneranni
- eqaatsumik aammalu allanngorartunik suliaqarsinnaanissat
- kalaallisut danskisullu qaffasissumik piginnaasaqarnissat
Neqeroorutigaagut
- Suliat pissanganartut ineriartorfiusullu
- Inuttut suliatigullu ineriartortitsinissamut periarfissat pitsaasut
- Suliassat assigiinngiiaartut soqutiginartullu
- Suleqatit pimoorussisut ammasullu
Paasissutissat sukumiinerusut
Qinnuteqarfissamut killigititaq: 29. september 2026 – Ingerlaavartumik oqaloqatigiinnerit ingerlanneqassapput
Sapinngisamik piaartumik atorfinitsitsinissaq kissaatigineqarpoq: 1. november 2026 isumaqatigiissuteqarnikkulluunniit
Atorfik pillugu paasissutissanik amerlanerusunik pissarsinissat kissaatigigukku uunga attaveqarnissannut tikilluaqqusaavutit: Mikaela Augustussen, e-mail: mika@ina.alla.gl
Aningaasarsiatigut atorfinitsitaanermilu atugassarititaasut
Akissarsiatigut atorfeqarnermullu atugassarititaasut, taakkununnga ilanngullugit atorfininnermut soraarnermullu atatillugu akiliunneqarluni angalasinnaatitaaneq pisattanillu nuussisinnaatitaaneq, piffissami atorfiniffiusumi Inatsisartut pineqartullu kattuffiata isumaqatigiinniarsinnaatitaasup akornanni isumaqatigiissut atuuttoq malillugu pissapput.
Najugaq
Atorfimmut atatillugu sulisunut inissiamik innersuussisoqarsinnaavoq. Atorfimmut atatillugu sulisunut inissiaq atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit ilanngussassallu pisariaqarsinnaasut ilanngullugit unnga nassiutikkit: atorfik@ina.alla.gl